31.10.04

Skemmtilegt þetta þráðlausa net í Furugrundinni

Þá getur maður bloggað á klósettinu. Meira en þið vilduð vita, kannski...

posted by Heiða María @ 16:16

29.10.04

Hvað er miðlunartillaga?

Um þetta er hægt að lesa á vef ASÍ, sjá tengil í titli.

posted by Heiða María @ 11:52

Miðlunartillaga Baggalúts

Kannski er þessi bara betri, haha.

posted by Heiða María @ 01:39

Verkfalli frestað!

Af Rúv.is:

Ásmundur Stefánsson ríkissáttasemjari leggur í dag fram miðlunartillögu í vinnudeilu grunnskólakennara og sveitarfélaga. Ásmundur sagði frá þessu í viðtali í miðnæturfréttatíma Útvarps. Verkfalli kennara er frestað frá og með deginum í dag, kennsla hefst þó ekki fyrr en á mánudag.

posted by Heiða María @ 01:20

28.10.04

Mat fólks á sálfræði Frábær skemmtun fyrir mig að skoða

Við Andri erum að undirbúa rannsókn fyrir félagslega sálfræði, og lögðum því eins konar forrannsókn fyrir ýmist fólk. Margt skemmtilegt kom út úr því. Við spurðum meðal annars um hvaða orð ættu vel við sálfræði og hvaða orð ættu illa við. Fólk átti í miklum vandræðum með að finna það sem passaði illa við, og er það líklega okkur sjálfum að kenna. Ég ætla að nefna dæmi sem ég gat bara ekki með nokkru móti flokkað á vitrænan hátt:

Bensín
Bílar
Borð
Dálkar
Eignarhald
Ég
Fordæmi
Form
Gemsi
Hópar
Hljóðkort
Hönd
Forsætisráðherra
Gaffall
Hnífur
Kennaraverkfall
Oddi
Ofn
Orka
Óregla
Parket
Rafmagnssög
Ruggustóll
Saltkjöt
Sjónvarp
Sokkar
Stormur
Stóll
Suðurgata
Útrás
Vefmyndavél
Veggteppi
Ze Germanz

Einnig komu nokkrar skemmtilegar lýsingar á hvað sálfræði sé. Tvö dæmi um það eru:

"Sálfræði er fræðigrein sem fjallar um mannshugann og slíkt. Sálfræðingar eru frekar fokked up."

"Sálfræði gengur í stuttu máli út á það að túlka það sem ekkert er í löngu og flóknu máli. Persónulega finnst mér hún ekki hafa mikið á bak við sig annað heldur en
hugarburð og sögusagnir. Á hinn bóginn má segja að hún hefur mörgum hjálpað að
komast í gegnum erfiða tíma. Spurningin er samt sem áður sú hvort það sé vegna þess að sálfræðin sem slík sé að hjálpa eða hvort það sé staðföst trú manna á gagnsemi hennar. Sjálfur held ég hið síðara."

posted by Heiða María @ 01:30

25.10.04

Handrukkararnir

Ég var að pæla, er ekki hægt að nýta handrukkarana til einhvers gagnlegs? Kennarar gætu til að mynda sigað þeim á launanefnd sveitarfélaga. Kannski gætu sveitarfélögin þá bara rænt einn eða tvo banka til að eiga fyrir þessu. Nú, eða kannsi tekið lán á 4,2% vöxtum hjá KB-banka.

posted by Heiða María @ 23:06

Ooohhhh, pirr!

Eyddi tíma mínum í að lesa 30 blaðsíðna grein með MJÖG smáu letri, en var að komast að því að hún er ekki á leslistanum! Þetta þýðir að allt sem ég hef afrekað um helgina er að lesa EINA grein, og þá tel ég föstudaginn með! *Svaka mikið pirr*

posted by Heiða María @ 02:03

23.10.04

Prófessor Vandraður

Ég er svo mikill LÚÐI! Ég gisti hjá mömmu og pabba í nótt, því Björn var á einhverju nördafylleríi í gær. Átti svo að passa fyrir Magga bróður í morgun. Nú, ég lét pabba keyra mig til Magga. Svo fékk ég Magga til þess að keyra mig í Kringluna. Svo fékk ég pabba til þess að ná í mig í Kringluna. Að lokum ætlaði ég að hringja í Björn og biðja hann um að skutla mér heim á Sogaveg. Hann sagðist ekki vera með bílinn. "Af hverju ekki, hvar er bíllinn?" sagði ég, og hélt að hann hefði skilið hann eftir hjá vinum sínum sökum áfengisdrykkju. "Heiða" segir Björn. "ÞÚ ert með bílinn!". Og það var alveg satt...

posted by Heiða María @ 16:26

21.10.04

Ópróffræðilegt próffræðipróf

Gekk illa í prófi í próffræði. :-( Fengum allt of stuttan tíma, svo maður var bara í því að gera klaufavillur... Var ógeðslega fúl, því þetta er efni sem ég á að kunna upp á 10, en skapið lagaðist allverulega við það að fá svakalega góðan en ódýran mat á Stúdentakjallaranum.

posted by Heiða María @ 23:58

20.10.04

Bara alveg rosalega flott interactív grein um sálfræði

Þessi grein er á Wikipedia, sem er ókeypis alfræðiorðabók.

posted by Heiða María @ 02:47

18.10.04

25 atriði sem sýna fram á að þú sért orðin/n fullorðin/n

Ég fékk þennan lista lánaðan af heimasíðunni hennar Írisar, systur Bjögga.

------------------------------------------------

1.Pottaplönturnar þínar eru á lífi og þú getur ekki reykt neina þeirra.

2.Þú gefur þér tíma til að taka af þér úrið áður en þú ferð að stunda kynlíf.

3.Þú geymir meiri mat en bjór ísskápnum.

4.Klukkan sex að morgni er fótaferðatími en ekki háttatími.

5.Þú heyrir uppáhaldslagið þitt í matvöruverslun Hagkaups.

6.Þú fylgist með veðurfréttum.

7.Vinir þínir giftast og skilja í staðinn fyrir að byrja og hætta saman.

8.Sumarfríið þitt styttist úr þremur mánuðum í þrjár vikur.

9.Bolur og gallabuxur eru ekki lengur spariklæðnaður.

10.Það ert þú sem hringir á lögregluna til að kvarta yfir hávaða í nágrönnum.

11.Eldri ættingjar hætta að segja kynlífsbrandara nálægt þér.

12.Þú hefur ekki hugmynd um hvenær pizzustaðir loka á kvöldin.

13.Bílatryggingarnar lækka en afborganir af bílalánum hækka.

14.Þú ert farin að borða salöt sem aðalrétt.

15.Þú færð bakverk ef þú sefur í sófanum.

16.Þú vaknar fyrir kl. 9.00 á sunnudögum “af því það er svo hressandi”

17.Út að borða og bíó er að fara út að skemmta sér, ekki bara byrjun á góðu kvöldi.

18.Þú verður slæmur í maganum, ekki saddur/södd ef þú færð þér heila pizzu.

19.Þú ferð í apótekið til að fá þér íbúfen, ekki til að kaupa smokka eða þungunarpróf.

20.Vín undir níuhundruð kalli er ekki lengur “ágætis kaup”

21.Þú borðar morgunverð á morgunverðartíma.

22.“Ég get drukkið eins og ég var vanur” kemur í staðinn fyrir “Ég ætla aldrei aftur að drekkka svona mikið”

23. 90% af tíma þínum fyrir framan tölvuna fer í raunverulega vinnu.

24.Þú drekkur ekki lengur heima til að spara pening áður en þú ferð á bari.

25.Þú lest allan þennan lista og leitar í örvæntingu að einhverju sem á ekki við þig.

posted by Heiða María @ 21:34

Veðrið

Í dag hefur veðrið verið svona ógeðis, eins og Boggi myndi eflaust kalla það. Mér tókst náttúrulega að læsa kápuna mína inni niðri í kjallara Odda, sem leiddi aftur til þess að ég hef verið undir sæng og teppi með fimm kodda síðan ég kom heim. Er í raun að hugsa um að halda því áfram. Adjö!

posted by Heiða María @ 18:07

17.10.04

Það er aldrei sniðugt að skjóta sig

...hvort sem það er gert með áfengisskotum eða annars konar skotum. Munið það svo, lömbin mín.

posted by Heiða María @ 15:13

16.10.04

Old habits die hard

Hehe, ég ætlaði svo að fara í Sims 2, en ég fæ mig eiginlega ekki til þess. Ég held að ég sé með áráttu-þráhyggju sem snýst um lærdóm. Kannski tek ég bara smá Sims 2 flooding á mig með response prevention, hefði e.t.v. gott af því. Nú, já, eða bara fer að lesa meiri klínu...

posted by Heiða María @ 18:04

All play and no work makes Heiða a very happy girl

Var í klínuprófi í morgun, og gekk ekkert betur en bara svona skítsæmilega. Ákvað að eyða restinni af deginum í ekki neitt. Fór á búðarráp með Birni Leví (hann er dauðþreyttur eftir það, greyið, og er sofandi inni í herbergi), svo ætla ég í Sims 2 (jey) og nefndapartý þar á eftir (meira jey). Sem sagt, gaman gaman hjá mér, og enginn leiðinlegur lærdómur. :-D

posted by Heiða María @ 17:53

15.10.04

Sniðugir fídusar á Google

Google Answers
Google myndaleit
Google Usenet-hópar
Google flokkaleit
define:orð [Skrifað í leitarglugga Google, gefur skilgreiningu á orðinu]
site:slóð [Skrifað í leitarglugga Google, gefur undirsíður á þessari slóð]
site:slóð orð [Skrifað í leitarglugga Google, gefur undirsíður á þessari slóð sem innihalda þetta orð]

Ef einhver veit um fleiri skemmtilegheit má hann láta vita.

posted by Heiða María @ 13:16

13.10.04

Það er bara ekkert sérstakt að gerast

Fór til tannsa sem gerði við skemmd, þarf að koma aftur á miðvikudaginn og láta gera við aðra. Svaka gaman. Er núna bara að reyna að halda mér vakandi til að geta lært undir próf. Týpískt að ég geti ekki vakað þegar ég á að gera það, en geti svo ekki sofnað þegar það er æskilegt. Svo er nefndapartý á laugardaginn, okkur í gömlu stjórninni er boðið. Alltaf gaman þegar einhver annar borgar fyrir mann djammið, ;-) maður verður nú að láta sjá sig.

Var að pæla með þetta framhaldsnámsvesen, ég er mikið að pæla í því hvort ég eigi kannski bara að skella mér strax næsta haust til Sverige í masters í próffræði eða einhverjum fjandanum, það tekur hvort sem er ekki nema svona tvö ár, og þá seinkar mér ekki nema um eitt ár ef ég fatta að þetta er bara eitthvað hræðilega ömurlegt... Och så blir det ju jättekul att snacka svenska igen, eller hur? :-)

posted by Heiða María @ 20:05

11.10.04

Ömurleg próftafla

Ég er náttúrulega með hræðilega próftöflu svona eins og venjulega. Er í Klínunni 10. des, Próffræði 11. des og Félagslegu 14. des.

posted by Heiða María @ 10:33

10.10.04

Lotukerfislagið

Tom Lehrer er, eða a.m.k. var, stærðfræðiprófessor í Harvard-háskóla. Hann samdi þetta snilldarlag um lotukerfið. Þeir sem ekki hafa heyrt það verða að gjöra svo vel að smella á tengilinn hér fyrir ofan.

posted by Heiða María @ 14:45

9.10.04

Top Speciality Programs in Psychology

Ágæt síða fyrir þá sem huga að námi í BNA í sálfræði.

posted by Heiða María @ 19:49

Vinsæl hjá útlendingum

Ég skil þetta ekki alveg, það eru alltaf einhverjir útlendingar sem detta inn á síðuna mína, skilja náttúrulega ekki bofs í íslensku en senda mér samt póst án þess að þekkja mig neitt, sem yfirleitt er eitthvað á þessa leið: "Hæ, frábært blogg (þótt ég kunni ekki tungumálið þitt). Flott mynd/við eigum sama áhugamál/ég dýrka Ísland. Viltu skrifast á við mig?" Æi, ég veit það ekki, ég er kannski bara svona antisocial eða löt eða eitthvað, en mig langar ekkert að svara þessu fólki, finnst það bara frekar óþægilegt. Skrýtið líka hvað fólk virðist vera ófeimið við þetta...

posted by Heiða María @ 13:29

8.10.04

Hamingja vs. frægð og frami?

Ég er eitthvað svo áttavillt eitthvað núna. Mér finnst hvíla á mér einhver kvöð um að velja framhaldsnám og ég get bara hreinlega ekki ákveðið mig. Það er mikil pressa frá kennurum og vinum mínum í sálfræði, og já kannski frá mér sjálfri að einhverju leyti, um að ég fari til Bandaríkjanna.

Mig langar bara alls ekki... Mér finnst það einhvern veginn mjög fráhrindandi, ófjölskylduvænt, erfitt fyrir Björn að komast inn í landið ef hann ætlar ekki í nám strax, langt og strangt og ósveigjanlegt. OK, það eru bestu skólarnir þar. Ég veit bara ekki hvort það myndi veita mér neina gleði að útskrifast úr einhverjum Big Shot skóla eftir 5 ára nám í einhverju svaka rannsóknarnámi sem ég hefði ekkert með að gera hér á litla Íslandi nema kúra í einhverri lítilli skrifstofuholu niðri í dýflissu Odda.

Væri ég ef til vill betur komin í gömlu góðu Svíþjóð í einhverjum ekki alveg eins frábærum skóla en alveg ágætum samt, í mjög fjölskylduvænu samfélagi sem ég þekki vel (ég bjó í Lundi), þar sem ég veit að mér getur liðið vel og er ekki eins óralangt að heiman. Ég mun að öllum líkindum ekki verða svaka frægur vísindamaður. En hvað með það? Er það þess virði? Hvenær ætlar maður að fara að hætta að hugsa um að hafa það svo svakalega gott í framtíðinni og fara að hafa það gott í nútíðinni?

posted by Heiða María @ 21:31

5.10.04

Haltu kjafti!

Nýtt spjallborð Vina Ketils bónda hefur opnað. Allir velkomnir. Tengill er í titli þessa pósts.

posted by Heiða María @ 23:51

Hvað er málið með þessar skattalækkanir?

Djöfull er ég pirruð yfir þessu. Heldur fólk virkilega að skattalækkun um tiltekna prósentu leiði til þess að allir græði á því? Það er ekki nóg með að í krónum talið verði lækkunin minnst fyrir þá sem hafa úr minnstu að moða, heldur eru blikur á lofti um að fjármagna eigi þessar skattalækkanir með óbeinni skattlagningu á hinn almenna borgara. Til að taka dæmi um þetta sem stendur mér nær þá á að hækka innritunargjöld í Háskóla Íslands um umtalsverðar fjárhæðir.

Herra Haarde hefur ekkert nema gott um skattalækkanir að segja, og telur að þetta hvetji fólk til að vinna meira. Fyrr má nú vera! Eru Íslendingar ekki þekktir fyrir að vinna óhóflega mikið nú þegar? Frábærar skattalækkanir sem gera landsmönnum kleift að vinna meira fyrir sömu lífsgæðum...

posted by Heiða María @ 20:14

35

Mamma og pabbi eiga 35 ára brúðkaupsafmæli í dag. Heitir það annars eitthvað sérstakt? Allavega, þessu verður fagnað á frekar skýtinn hátt með pepperóní- og ananaspizzuáti.

posted by Heiða María @ 17:45

2.10.04

15 kg lambaskrokkur, here I come!

Grill á eftir hjá Jóni Torfa og Degi, alveg eins og í gamla daga. Bræðurnir urðu sér á einhvern hátt úti um heilt lamb, svo þeir buðu bara helling af fólki í mat! Við ætlum að búa til sveppasósu, og svo einhvern varíant af góðu sósunni sem við höfðum með kjúklingnum um daginn (uppskriftin er hér fyrir neðan þennan póst). Bjórinn er í frystikistunni, og bíður þess að fá að komast ofan í klakafyllt baðkar úti í garði á Laugarnesveginum.

posted by Heiða María @ 14:01