Quantitative Psychology/Judgment and Decision Making There are three areas of specialization within the quantitative program: (1) traditional quantitative methods, including multivariate quantitative methods and models, measurement theory, and model selection; (2) judgment and decision making, including modeling and experimental studies of human judgment and decision processes; (3) mathematical psychology, including development and application of mathematical models of psychlogical processes. Students can focus their studies in one area, or a combination. The program helps students develop and expand their mathematical, statistical, and computer skills, and encourages them to apply those skills to substantive areas in psychology. There is considerable flexibility to accommodate students with a variety of interests.
Faculty research includes quantitative methods such as covariance structure models, factor analysis, categorical data analysis, models of multilevel data, clustering, and multidimensional scaling; mathematical modeling of human judgment and decision processes, including axiomatic, algebraic, connectionist and stochastic approaches; and model selection methods.
Students, faculty, and prominent visiting scholars interact in weekly seminars. The area supports several microcomputer laboratories, including a judgment and decision making laboratory.
Var sem sagt að leita að sjálfri mér á Google og fann út frá því nýjan vef Félagsvísindastofnunar. Komst að því að starfsheiti mitt hjá Félagsvísindastofnun er "verkefnastjóri". Ekki vissi ég það nú, en það hljómar allavega vel.
Nýjasti þátttakandinn í tilraununum mínum farinn (takk, Sverrir). Ætla mér að klára gagnasöfnun í þessari viku, verð að fara að snúa mér að öðru. Er komin með ýmis áhugaverð gögn sem þarf að vinna úr. Hef annars voða lítið að segja, er bara enn að dunda mér við að finna eitthvert hentugt doktorsprógramm í BNA. Hef fundið allnokkur áhugaverð, það síðasta varðandi stærðfræðilíkön um ákvarðanatöku í University of Ohio, minnir mig. Ætla líka bara að halda áfram að vinna, þýðir lítið að slóra, þá fer ég bara seinna heim í kvöld.
P.S. Hvernig skrifar maður eiginlega dýflissu, og hvers konar orð er það eiginlega?!?
Fannst tími til kominn að breyta útlitinu á blogginu mínu. Bitnaði því miður á vinnunni minni, svo nú þarf ég örugglega að vinna alveg til kl. 10 í kvöld :-(
Ég er barasta orðin afar latur bloggari. Gæti skrifað heilmikið um utanlandsferðina mína en ég nenni því ekki. Hef að vísu þá afsökun að heilmikið er að gera í vinnunni, er náttúrulega alltaf vinnandi. Er líka farin að taka upp á því að vera dugleg í ræktinni með Olgu. Fórum í gær í Body Pump, svona lóða-thingy. Þetta er lúmskur tími, ég er allavega með massa harðsperrur núna, þótt ég hafi teygt vel á.
Laugardagurinn var skemmtilegur, fór að spila heima hjá Haffa, Valla og Eyjó með fullt af strákum. Þar var sötraður bjór (en ekki eins góður og úti). Röltum svo niður í bæ þar sem ég hitti Söru, Sollu og Olgu og slóst í för með þeim. Það eina sem vert er að segja frá er áhugavert atvik á Prikinu þar sem við Olga urðum vitni af því þegar tveir alnaktir karlmenn hlupu út af skemmtistaðnum og inn hliðargötu. Hvorugur var að hafa fyrir því að hylja sitt allra heilagasta.
Í dag er síðasti dagurinn okkar hjá Ragga og Ingibjörgu. Ferðin hingað til hefur verið alveg frábær, og veðrið hefur verið gott, þvert á allar spár. Í dag er að vísu dálítið skýjað, og það rigndi eins og hellt væri úr fötu áðan, en við sitjum bara hér í hlýjunni að lesa og hafa það gott.
Ferðin byrjaði klukkan fimm á þjóðhátíðardag Íslendinga, þegar við vöknuðum og tókum okkur til. Við ákváðum að keyra á okkar eigin bíl á flugvöllin en skilja hann svo eftir fyrir pabba svo hann gæti keyrt bílinn heim (pabbi kom frá Portúgal sama dag, eflaust brúnn og sællegur). Við tók seinkun á flugi vegna vélarbilunar (mér varð um og ó), og slíkar seinkanir áttu eftir að verða einkennandi fyrir þennan fyrsta dag.
Við lentum á Stansted í London um klukkan hálftólf að staðartíma. Við áttum ekki flug fyrr en klukkan 19:15, svo við tók löööng bið, sem við reyndum að stytta með búðarrápi og glápi á fótbolta (England spilaði, svo það var ágætis stuð í fólki). Þegar tími fyrir flug tók að nálgast fórum við með einhvers konar lest að flughliðinu. Aftur varð seinkun á flugi, en nú í nær klukkutíma, allt vegnaþess að tveir hjólastólagaurar frá Malasíu sátu fastir inni í flugvélinni!
Við komumstþó loksins af stað, og flugum til Amsterdam á methraða. Í myrkrinu virtist borgin vera stór og óhugnanleg. Við drifum okkur að kaupa lestarmiða til Duivendrechht og þaðan til Utrecht,þar sem Raggi og Ingibjörg eiga heima. Að sjálfsögðu seinkaði lestinni til Duivendrecht, svo við misstum næstum af þeirri seinni. Á lestarstöðinni í Duivendrecht tóku Raggi og Ingibjörg á móti okkur, klukkan rétt rúmlega tólf! Þetta var búið að vera langt ferðalag, sem við enduðum þennan dag meðð rauðvíni og bjór í góðra vina hópi.
Næsta dag, á föstudaginn, skoðuðum við svæðið í góðu veðri. Um kvöldið fórum við á mjög flottan indverskan veitingastað, og verðið var ótrúlegt. 80 evrur fyrir mat handa fjórum og tvær rauðvínsflöskur! Eftir mat fórum við beint á pöbbarölt, og héldum að sjálfsögðu áfram að drekka... Komum að vísu aðeins við á ansi skemmtilegum útitónleikum. Á einum pöbbnum hittum við ansi skemmtilega Hollendinga sem við kjöftuðum heilmikið við, aðallega um Ísland, Björk og Sigur Rós ;-) Ég held að ég sé loksins búin að ná framburðinum á nafni eins gaursins sem heitir Thijsh (sagt Tæch, held ég). Þeir drógu okkur svo á annan pöbb, einhvern belgískan sem selur 250 tegundir af belgískum bjór! Ég fékk mér náttúrulega fullt af honum og var orðin rúllandi í endann. Fór að tefla við Ingibjörgu, og ég veit eiginlega ekki einu sinni hvor vann!
Laugardagurinn var ótrúlega þynnkulaus, svo við Björn og Ingibjörg fórum í búðir þynnkan hafði greinilega öll farið til Ragga). Ég keypti mér jakka og bol í H&M, reyndar með smá veseni þar sem þeir gátu ekki tekið kortið mitt. Ingibjörg og ég skottuðumst svo í matvöruverslun og keyptum alls konar gúmmulaði til að hafa í matinn um kvöldið. Pælingin var svo að fara í bæinn, en allir voru svo eftir sig vegna gærkvöldsins að kvöldinu var eytt heima í rólegheitum.
Á sunnudeginum skoðuðum við Björn ansi áhugavert spiladósasafn. Þar sáum við allt frá spilandi stólum til risastórra dansiballsspiladósa sem þöktu heilan vegg! Aðalnúmerið í safninu var samt stelpa, um fjögurra ára gömul, sem var svo mikið að fíla sig að hún dansaði ballett og hoppaði um við hvert lagið á fætur öðru. Um kvöldið var aftur farið út að borða. Við enduðum á tapasréttastað, eftir miklar vangaveltur um hvort við ættum að fara á afrískan veitingastað og fá okkur antilópur og krókódíla (blechhhh). Tapasréttirnir voru prýðilegir. Löbbuðum svo í bíó og sáum 50 First Dates, sem er alveg ágæt.
Og nú er ég komin að deginum í dag, mánudegi. Á eftir ætlum við að labba aðeins um í mollinu á lestarstöðinni og taka svo lestina til Amsterdam. Meira um það síðar...
Fór náttúrulega ekkert að sofa strax ;-) Var að skoða framhaldsnámsprógrömm í BNA. Líst ansi vel á þetta í University of Michigan:
The Cognition and Perception program is especially geared toward students who wish to develop skills in mathematics, statistics, neuroscience, or artificial intelligence as well as in psychology. Our program's curriculum offers several specializations that foster these technical skills for use in Formal Modeling, Mathematical Psychology, and other rigorous approaches to research on Cognition and Perception.
Stanford hljómar líka vel:
--Cognitive--
Survey and analysis of topics including perception, learning, attention, memory, language, categorization, spatial cognition, problem solving, and reasoning, with emphases on mathematical modeling and computer simulation, cognitive theory, brain function, and applications as well as empirical demonstrations.
Hef samt ekki Guðmund um hvort ég eigi séns í að komast inn í svona brjálaða skóla og, ef svo væri, hvort ég þyrfti að borga böns af pening fyrir þá. Kemur allt betur í ljós síðar.
og kemur aldrei aftur... fyrr en þarnæsta föstudag. Fer eldsnemma í fyrramálið, svo ég er að hugsa um að fara bara bráðum að sofa ef ég get. Spáir náttúrulega grenjandi rigningu á öllum þeim stöðum sem við höfum hugsað okkur að heimsækja :-/ En ég læt það ekkert aftra mér, ég ætla að slappa af og hana nú! Sjáumst!
Vaknaði upp með andfælum í morgun: "Garg! Staðalfrávikið mitt á að vera 17, en ég reiknaði það vitlaust, aaaah!!! Það gerir marktektina vitlausa!" En sjúkket, þetta var bara draumur. Kannski að vísu vísbending um að ég sé að klikkast pínu smá, en samt bara slæmur draumur.
Oooh, við Björn erum svo miklir LÚÐAR, við föttuðum ekkert að Bretland er ekki Shengen, svo nú þurfum við að redda okkur vegabréfum á no-time. Kostar 9200 kr á haus, takk fyrir. Getum náttúrulega engum kennt um nema okkur sjálfum. En út munum við fara, hvað sem það kostar!
Þrátt fyrir hroðalega þynnku frá því ég djammaði síðast með Andra og Co: læri ég ekki af reynslunni. Ég er nebbla boðin í sálfræðigimpgrill hjá honum næstkomandi föstudag. Vonandi kemur enginn utanaðkomandi í þessa blessuðu veislu, geðheilsu þeirra vegna, því í þessu partýi verður sko bara talað um sálfræði (og enginn á eftir að skilja brandarana okkar).
Nú er ég annars stödd í Odda með Jóni Stefáni að pína hann í tilraunum. Pyntingarnar virka að vísu ekkert sérlega vel á hann, strákurinn er afar rólegur yfir þessu öllu saman. Gaf honum útrunnið kók, sem ég átti ekki einu sinni, og hann varð hæstánægður. Sumir eru nægjusamari en aðrir...
Ég nennti ekki í vinnuna í Félagsvísindastofnun. Mér finnst afar fínt að vinna þarna, en ég ætlaði bara ekki að geta drullað mér á lappir vegna þreytu og harðsperra. Var til 22:00 að gera tilraun á grey Krúsa í gær, og kom ekki heim fyrr en klukkan 23:30. Ég er núna heima, ætla að vinna að Nýsköpunarsjóðsverkefninu mínu hér í næði. Þarf svo að taka á móti næsta fórnarlambi í tilraun um hádegið. Gagnasöfnun gengur vonum framar, ætla að reyna að klára hana fyrir utanlandsferðina. Hún er í næstu viku, á fimmtudeginum 17. júní. Þá tekur við laaaaaaangt flug. Ég er samt farin að hlakka mikið til, þetta á að vera afslöppunarferð, ekki stanslaust djamm (þótt það verði örugglega eitthvað).
En ég er víst ekki komin í frí ennþá, ætla að reyna að pína mig til að gera eitthvað að viti...
Var að enda við að kaupa kort í Baðhúsinu. Olga dró mig með, og ekkert nema gott um það að segja. Hamaðist í klukkutíma við að berja á ósýnilegum andstæðingum í Body Combat tíma. Finn harðsperrurnar læðast að mér, hægt og hægt. Þær ná mér að lokum.
Ég vil miðla af reynslu minni að það er EKKI sniðugt að blanda saman rauðvíni, gini, bjór og tequila (ásamt fullt af óbeinum reykingum). Fyrir utan þessi óhjákvæmilegu eftirköst var bara ágætlega gaman, og snilldar matur hjá þeim Alla og Andra [Andri, Gorgonzola-sósan var guðdómleg, eins og sást væntanlega á því að ég borðaði hálfan lítra af henni]. Held líka að þessi matur hafi bjargað mér frá dauða, hehe.
Er svolítið vönkuð, var nefnilega að taka þátt í einni af mínum eigin sjónskynjunartilraunum, og ég gleymi alltaf að blikka augunum... Fæ ansi massívan hausverk af þessu.
