Friðrik bauð mér aftur vinnu á Félagsvísindastofnun. Ég samþykkti það náttúrulega enda er fínt að vera þar. Ég sé meira segja fram á hugsanlegan möguleika á að geta stundum unnið úti í garði fyrst ég er nú komin með fartölvu (ef ég fæ einhvern tíma frið fyrir gróðurofnæminu og helvítis geitungunum).
Ég ætla að einsetja mér að: a) vera ekki ofurölvi í starfsmannapartýum fyrir framan annað starfsfólk, stjórnmálafrömuð, rektorskandídat og formann félagsvísindadeildar (ólíkt því í fyrra). b) rífa ekki risastórt gat á rassinn á buxunum mínum í starfsmannapartýum fyrir framan annað starfsfólk, stjórnmálafrömuð, rektorskandídat og formann félagsvísindadeildar (ólíkt því í fyrra).
Ég var búin að gleyma hvað stress fer mikið í skapið í mér. Er búin að vera mjög jumpy í dag. Ákvað að afkúppla með því að taka til á skrifborðinu mínu. Nú sé ég virkilega í borðplötuna, en áður leit það svona út:
Hér er sniðugt tauganet sem leikur þennan leik. Þú hugsar þér hlut og tauganetið reynir að giska á hver hann er. Því tókst að giska rétt á það sem ég hugsaði mér. :-D
Klukkan er hálffimm um nótt, ég er inni í Odda og kemst ekki út. Afar áhugaverð staða. Það ætla víst einhverjir vaktmenn að hleypa mér út á eftir. Var svo sem alveg búin að búa mig undir að sofa inni í Animuherbergi. Aðeins skemmtilegra, samt, að komast heim að lúlla.
Ég fer örugglega bráðum (loksins!) að prófa þátttakendurna fyrir BA-verkefnið mitt, en ég sé fram á að það verði frekar erfitt að finna þá. Ég þarf nefnilega að prófa hvern þátttakanda í þónokkra klukkutíma, og verkefnið er örugglega ekkert sérlega skemmtilegt. Þess vegna var ég að spá hvort ekki væri bara hægt að múta ykkur með áfengi? Þið takið þátt í boring tilraun fyrir mig, og ég held rokna partý fyrir ykkur! Hvað segiði um það?
Þetta finnst mér afar athyglisverð þróun. Það er greinilega komin ný námsleið í BS í tölvunarfræði, og þar er fólk látið taka hvorki meira né minna en 6 áfanga í sálfræði! Áfangarnir eru: Tölfræði 1, aðferðafræði, almenn sálfræði, greining og mótun hegðunar, skynjunarsálfræði og tölfræði 2. Vá, hvað ég hefði valið þessa námsleið ef hún hefði verið til þegar ég byrjaði í Háskólanum! Ég myndi að vísu bæta við lífeðlislegri sálfræði.
