28.1.05

Google gæti hjálpað til við að gera tölvur greindar

Þetta finnst mér sniðugt ;-)

Sá þetta á Kellogg's Special K pakkanum

"Some people gain weight because they eat more energy (calories) than they use up in their daily lives." Takið eftir, SOME. Þegar maður fær meiri orku en maður þarf er það ÓHJÁKVÆMILEGT að þyngjast, annars er það ekki meiri orka en maður þarfnast. Duuuh!

27.1.05

Mental note

Fara að sofa sama dag og maður vaknar...

Weird shit

Spine-chilling stuff. Brrrr.

Salad fingers 3
Salad fingers 5

26.1.05

Næturvökur

Enn á ný sit ég hér alein um nótt að reyna að læra, en er ekki að gera það heldur að blogga, lesa blogg, fara í kapla eða sprengjuleit (minesweeper). Af hverju ég er vakandi veit ég ekki, nema bara það að alltaf þegar ég hef minnsta tækifæri til þess sný ég sólarhringnum við. Þetta leiddi meðal annars til þess að ég svaf yfir mig í tíma sem byrjaði kl. 14:40. :-Þ Þetta get ég, því ég er... dadadada... þnnnnjalli mongólídinn!!!

24.1.05

Tölva lærir að leika sér

Í New Scientist segir meðal annars: "CogVis, developed by scientists at the University of Leeds in Yorkshire, UK, teaches itself how to play the children's game by searching for patterns in video and audio of human players and then building its own "hypotheses" about the game's rules." Hægt er að lesa meira hér.

23.1.05

RRROOOOSALEGUR leikur íslenska landsliðsins!!!

Þetta var frábært! Yndisleg vipp hjá Ólafi Stefánssyni, hehe, var að gera tékkneska markmanninn gráhærðan. Hárið á honum var nú reyndar alveg nógu skrýtið fyrir.

Verðug umræða á Krebinu um skattamál og réttlæti

Kíkið á það, það ættu allir að lesa um þetta og taka afstöðu.

21.1.05

10 frábær ástar- og tregalög

1. Love Letter (Nick Cave & The Bad Seeds)
2. Golden Age (Beck)
3. Tomorrow (Morrissey)
4. Dry Your Eyes (The Streets)
5. Last Goodbye (Jeff Buckley)
6. Love Will Tear Us Apart (Joy Division)
7. Rómeó og Júlía (Bubbi)
8. I Don't Love Anyone (Belle & Sebastian)
9. Lovesong (The Cure)
10. Immune (Low)


Það er bóndadagur í dag, svo þetta er til þín, Björn Leví. Verst að þú lest ekki bloggið mitt. ;-) Það bíður þín glaðningur í bílnum. :-*

20.1.05

Í dag

1. Slugsaði í Odda
2. Fór í sund, loksins farin að hreyfa mig aftur.
3. Keypti heftin fyrir Perrann (= Persónuleikasálfræði, fyrir þá sem ekki vita) á hálfvirði. Jey!

Þetta var blogg dagsins, ekki merkilegt það, bara nenni ekki að skrifa, og líf mitt er leiðinlegt. :-) Nei, nei, það er annars alveg ágætt.

19.1.05

Durex-könnunin um kynlífshegðun

Hér má meðal annars lesa að Íslendingar byrja yngstir allra þjóða að stunda kynlíf, og titraraeign er mest hjá íslenskum konum.


Erum við systurnar eitthvað líkar?


Ég held að ég verði að senda þessa mynd hingað til að geta notað hana í prófílnum mínum. Svo, hér er ég.


Jim, bandarískur pennavinur minn síðan ég man ekki hvenær, er ansi magnaður á þessari mynd. Hann er nota bene kúrekastelpa.

18.1.05

Til hamingju Marín og Eiríkur!!! :-D

Gifting 6. febrúar næstkomandi. Það er ekkert annað! Ég óska ykkur innilega til hamingju, tilvonandi herra og frú Briem. ;-) [P.S. Vá, hvað ég er að verða gömul ef vinir mínir eru farnir að gifta sig :-O]

17.1.05

Stærðfræði

Búin að vera að pæla svolítið í því hvort það sé ekki sniðugt að bæta við sig smá stærðfræði. Hann Sven hjá tölvunarfræðiskor (að ég held) var svo almennilegur að taka sér tíma með mér til að velja rétta kúrsa. Held að ég skrái mig allavega í "línulega algebru og rúmfræði" á næstu önn, og taki svo "tölvunarfræði 2" á þarnæstu. Ég held að einn kúrs á önn sé meira en nóg, verð örugglega að vinna með. Samt pínu skerí að fara að taka stærðfræði aftur, maður er orðinn ryðgaður, það verður að segjast.

Kjallararotturnar :-)

Þar sem ég nenni ekki að finna það út hvernig ég á að bæta tenglum við hér við hliðina, þá gjöriðisvovel aftur, sálfræðinördabloggsíða kjallararottnanna.

Tjillað á kaffihúsi

Fór ein á kaffihús í dag. Hef sjaldan gert það, en það er alveg frábært að geta setið svona ein með sjálfri sér, kannski glugga í blöðin eða jafnvel vafra um á netinu. Það eina sem skyggði á þessa annars ágætu kaffihúsaferð var ákveðinn biti af allt of heitri burrito-köku. Djöfull er ÓGEÐSLEGA vont að brenna sig í munninum!

13.1.05

Jæja...

Þá er að reyna að hafa sig í að lesa hina geysispennandi grein: "Vertical meridian assymmetry in spatial resolution".

LÍN-umsókn útrunnin

Passið ykkur á því, kæru námsmenn, að það þarf að sækja um LÍN á hverju ári, en ekki bara þegar lán er tekið í fyrsta sinn. Þetta vissi ég ekki, var bara að sækja um rétt áðan. Vonandi verður það í lagi. Hundleiðinlegt klúður.

Post-Cognitivism

Ýtið á titil póstsins til að lesa meira, og kíkið endilega á tenglana á þeirri síðu.

Kristni

Ég er ekki kristin manneskja í þeim skilningi að ég trúi því að Jesús sé sonur Guðs. Ég trúi aftur á móti á þá heimspeki og þá siðfræði sem Jesús boðaði. Þegar ég fermdist valdi ég mér vers úr Biblíunni til þess að fara eftir í lífinu. Ég valdi mér gullnu regluna: "Allt það sem þér viljið að aðrir menn gjöri yður, það skuluð þér og þeim gjöra." Pabbi minn sagði alltaf eitthvað á þá leið að það skipti ekki mestu máli að vera trúuð manneskja, heldur að vera góð manneskja. Og það vona ég að allir reyni að vera.

11.1.05

Hversu öruggur er vafrinn þinn?

Það er alltaf að koma betur og betur í ljós að Internet Explorer vafrinn hefur ýmsa mjög alvarlega öryggisgalla, svo alvarlega að hver sem er getur fengið aðgang að tölvum þar sem vafrinn er í notkun ef manneskjan kann eitthvað fyrir sér.

Hér geturðu athugað hversu öruggur vafrinn þinn er.

Ýmsir aðrir vafrar en Internet Explorer eru til, þar á meðal Firefox og Opera, sem er hægt að hala niður ókeypis.

Hér geturðu halað niður Firefox.
Hér geturðu halað niður Opera.

9.1.05

Kíkið á nýju síðuna okkar

I give you: Kjallararotturnar!!!!

5.1.05

Svona þegar ég hugsa um það

...þá er fullt af krappidíkrappi í sálfræði líka.

NLP

Ég var að vinna undir manneskju sem er bæði tómstundafræðingur og menntuð
í svokölluðu NLP, eða neuro-linguistic programming. "Mjög líkt sálfræði"
samkvæmt þessari sömu manneskju. Mér fannst þetta bara sniðugt, hljómaði
eins og eitthvað inni á mínu sviði, þangað til að ég fór að leita að þessu
á netinu. Og guð minn góður, þetta eru víst einhver hjávísindi um að kenna
fólki að forrita heilann á sér með sjálfsdáleiðslu og eitthvað
krappidíkrapp. Hvað á maður að segja við svona fólk? Ég verð bara þunglynd
af þessu.

Hægt er að lesa um NLP hér: http://skepdic.com/neurolin.html





Neuroscience for kids

...er í raun ekki bara fyrir krakka, ég hafði mjög gaman að þessari síðu. Fín fyrir fólk sem vill kynna sér þetta svið.

4.1.05

Og barasta önnur einkunn komin í hús

Já, þær fljúga inn núna. Þessi er bara ágæt líka, sérstaklega ef tekið er tillit til þess að ég ætlaði að sleppa þessu prófi og taka sumarpróf. Það verður ekki, vúhú!

Ein einkunn komin

Loksins komin einkunn úr einhverju námskeiði. Er mjög sátt með hana. Svo er bara að sjá til með restina. Er núna að reyna að manna mig upp í að byrja nýja önn á greinalestri. Annað hvort það, vaska upp eða taka til. Ekki fýsilegir kostir. Mér finnst að fólk eigi bara að taka það aftur upp að éta hrátt kjöt og grös og eitthvað, og nota guðsgafflana til þess, ekki þarf að þvo þá upp. Eða, jú, svona tæknilega séð þarf þess, en það er ekkert allt of mikið mál.

2.1.05

Já, eitt enn

Það var fullt af fólki sem sendi mér nýársóskir á miðnætti, en því miður er síminn minn asnalegur svo hann sýnir bara númerið en ekki nafn sendanda. Ég er því ekki alveg viss um hverjir sendu ;-) en ég þakka þeim hér með kærlega fyrir mig, og segi sömuleiðis.

Gleðilegt nýtt ár

Komiði öll sæl og blessuð á ný, og gleðilegt ár. Fórum í heljarinnar veislu í gær, og ég hef bara sjaldan fengið svona góðan mat. Byrjuðum klukkan tvö um dag á fiskihlaðborði með tilheyrandi ákavíti (bleech). Sötruðum svo bjór og vín þar til kom að lambalærunum tveimur. Það mátti heyra unaðsstunur við matarborðið. Mmmmmmm. Goooooootttt!

Svo var það bara meiri, meiri, bjór, meiri bjór, meiri bjór. Alveg ótrúlegt í raun að ég hafi ekki orðið þynnri en raunin varð. Smá þynnka varð það nú samt, og henni var eytt í Lord of the Rings maraþoni heima hjá okkur. 12 tímar, takk fyrir! Svaf að vísu svona sirka einn þriðja af tímanum, en hva, það er nú í lagi eþaggi? Svo er það bara spiladagur á morgun, og eftir það raunverulegt líf með tveggja til þriggja kílóa þyngdaraukningu og tilheyrandi líkamsrækt. :-/